Tesentaa President William Ruto rutoito nebo Mt Kenya

By Mutai Kibet, Nairobi

Tesentaa raini President William Ruto rutoito nebo kwen ana Mt Kenya, kasarta nekonyor tokseet neineken betutab omut en kebeberweek cheboto Laikipia ak Narumoru en Nyeri.

Miten President ak Deputy President Kithure Kindiki en rutoyoton koboto kondoik cheterter kopun mount Kenya.

Koiyomis Ruto kole motinye tokyiin kotapan kebeberta age tugul en tetutik chebo pandaptai ak kosom biikab Central kotestai kokochi kosibeet serkalitab Kenya Kwanza.

Kasarta netai en President Ruto korutechi mount Kenya yetap keisto en boishet neki Deputy nenyin Rigathi Gachagua.

Boto Governor nebo Nyeri Mutahi Kahika neindochin kondoik chebo Mount Kenya chekotaach President Ruto.

Komwa Kahika kole takaat President Ruto en kwen nebo emoni akot kasarta nekotestaa Gachagua kosimchi mengikab kebeberaton koyesho kandoinatetab President Ruto.

En tai ko kokipwatyin kele imuch koyesho mengikab kwen President Rutobkipaten koimongee en chingindo.