Nyosutyet nebo Maat en Kaplong Girls National School

Koityi nyosutyet nebo maat sugulitab tibiik nebo Kaplong Natonal School nemiten Sotik en county nebo Bomet koskolenutab raini ak kobeel koot nerue kipsomaninik 200.

Akoi nguni kotomo kenai kiit nekainaam mayaton kopaten kipwotyi kokotinygee ak Kipsomaninik.

Koitita biikab boror chekotoretgee ak offisaek chebo Police koboto disaster officers kopun serkalitab county nebo Bomet en komisetab mayaaton ak koteer asikomaiyaptagee akoi koriik alak chekirue en sugulinoton.

Mwoe logoiweek kopun ala ken biik chekoitita sugulinoton kole kotoigee mayaton sait 6:00PM.

Gideon Langat ko mengindet nebo Kaplong nekomwochi Mestowootmediaservices.co.ke kole kaiyaptagee mayaaton en chokchinet ak kobeel koyoton akoi kobeek.

“Mamuuch biik chekoimise mayaton kotoret en sorunetab tukuk cheruen Kipsomaninik kosipgee ak nekaran koyeet maat. Kait gariit nebo County kopaten karan kobeek Dormitory tugul,” Gideon Langat.

Manyor Kipsomaninik kakotonet agetul en nyosutyonoton ele mwoe police kole kakotoi chigilishet asikenai kiit nekanaam mayaton.

Konerekyi alak en mengikab Kaplong kipsomaninik kosipgee ak nekamwa kole kasarta netinye koimutik ak kandoinatet nebo sugul komonyolu kobeel kopaten nyol;u koboishen ngalalet.

“Kokochang sugulishet cheboishen kipsomninik maat kasarta nekonerekyi kandoinatet nebo sugul ako ma oreet noton nekiboishen kiboor nerekek,” Joseph Sang.

Sang: “ Kimoche konetik chebo Kaplong kochigil ak kongong Kipsomaninik chekotinygee ak beletab sugul. Monyolu bitet neuniton ako kasarta en sigindet agetugul konet lakwenyin.”