Nyolu kocheng serkali Oret age nekirindoen chelesosnotet en kerio Valley

By Kibet Mutai
Kakomongei potiryot nebo St. Mathew ndaraweta catholic parish Rev. Ambrose kimutai Tonui ak kokoito kurset koityi minister nebo ripsetab kalyet Kipchumba murkomen koker kole kaiit let yautik chepo ngemetab kalyet eng komosto nebo kerio valley nekikoipchi kobeet biik chechang sobonwek ole kaimengei baretab potiryot Allois cheruiyot Bett.

Kamwa Father Ambrose Tonui kole kikikochi boisiet nebo ripsetab kalyet Kipchumba murkomen amun ikuitos kebeberwek cheterter eng county nebo elgeyo marakwet ak kotingen mengikab Komosotok komongunet nebo Koip Wolutyet Nebo Kipchulyo Nebo wekunetab Kalyet

Kongololi eng sautikab Jumapili komwa Father Ambrose kole Nyolu ketoi ortinwek cheterchin chekiboisien eng wekunetab Kalyet nae Agenge ko Kongololchin mengikab county Inotok ak Kotoi kotigon lakokwak Kostoengee Yaitik Chepo ngemetab kalyet.

" Father Allois Bett ko potiryot nemingin nekokitorori en 2022 Ako koyopu boisiet nebo Kanisa , Ako komakotinye gariik Alak tugul ,Ko amunei asikepar, manyolu kabisa, kimoche serkali koyai Kii," father Ambrose Tonui.


Kangololi Father kimutai Kasarta nekaindochi sautikab Jumapili ole kamwa kole momiten amunei kobuni cs nebo ripsetab kalyet county nebo Elgeyo marakwet ak kotesetai kobeti Biik sobonwek ak kamwa kole makonyolu kotakebaoryonji kokeny tumdaetab Korotik eng county inotok ak emet komugul ak Kasom cs murkomen Koyai Kii agetugul koweek Kalyet.

Kamwa kole biik chetai chenyolu koib kokwoutik cheimuch koiit let kaimutichotok ko mengikab Elgeyo marakwet chenyolu koityi kosyinet ak komong kiplelutinik ak missing kotoi kotigon lagokwak Kostoengee atepet neya.

" Bichu kongengei so Nyolu kinet Agopo komonutyetab sobondo ak bitunetab kalyet asikocham kongong bichotok isuldoen rumisiet asikenam ak kirwokyi amun yon momi kalyet komatesetai Kii agetugul," Father kimutai