Mongemoksei tilyanditab polotet en kwenutab Kenya Kwanza ak ODM- Chepalungu MP

Kakomwa membayatab Koot nekingoten ngotutik nebo chepalungu en county nebo Bomet Victor Koech mandazi kole makoi kowalak polotet en emoni mising ko kosupgei ak nemaimuch konyoor Neki prime minister Raila odinga boisiet nebo koik nebo ngecheret en AUC.

Niton ko kosupgei ak nekamwa kole kikotechek tiliandit nebo polotet en kwenutab Raila Odinga ak kondoik chebo chamaitab ODM ak serkalitab Kenya Kwanza en koyonchinet nenaat kou broad based Government ole kinyoorchigei kondoik kobun chamainoton boisionik Cheechen en serkali cheboto Opiyo Wandayi nebo kimnotosiek,John mbadi nebo lengutab serikali ak Wickliffe Oparanya ne ine ko cabinet secretary nebo kibagengeisiekab pandaptai anan co_operatives.

Kongololi ine Kasarta nekoinome en kasarta netai kimnotetab sitimet en kokwetab kapkemoi ak chepchirik chemiten warditab nyangores ole nyorchingei keljin nebo kimnotonoton bo sitimet kapchi cheite 210.

Koikimit Koech kole tesetai ine kokimite tetutik chebo letaetab kimnotetab sitimet nebo last mile koityi mengotosiek chetomo konyor en komoswek cheterter en chepalungu.