Kurset kobun potiryot Ambrose kimutai Tonui nebo kobois kandoik kipakenge

By Kibet Mutai

Nyolu eng kandoik missing ko chebo kipsigis kokosyin ak konde tai bandabtai nebo Biikab emet missing ko eng boroindo nemiten eng kandoinated president Dr. William Ruto.

Kongololi eng igorto nebo konoretab cllr John ngerechi eng kokwetab teganda nemiten eng ndaraweta ward komwa potiryot nebo kanisetab ndaraweta catholic Fr. Ambrose kimutai Tonui kole Nyolu koityi komonut kandoik ibinda nenyone ak kounotok komagat kotetet boisionik chepo komonut.

Kotuiyechi igoratok Fr. Ambrose ak governor Barchok missing ko kosupgei ak nekiip petition Fr. Tonui kwo county assembly komoche keisto eng boisiet Governor Barchok amun eng betetab rapishek chekikimwaitaen.

Angandan koigeni biik kobiit wolchinetabgei nebo ngalek ko kingalal kandoichotok eng oret nekararan ole koikimit potiryot kole magenyin eng ko kilitit kaimutik chemiten kopoto wechetab rapishek nekibaryonjin eng Bomet.

" Kioip petition mokele amun osose Barchok, achicha omoche kityok keyochi imanda mengikab Bomet ak keboisien rapishek eng oret netogunot," Fr. Ambrose Tonui.

Eng komostonyin komwa Governor Barchok kole boiboenjin kokwoutyet nekiip potiryot ak kosom inendet kotestai kolitit kandoik eng kebeberwek chekaichililen.

Kosupgei ak Barchok ko motingen ngal telelet ak kalititetab Kobun Kanisa Agopo tuguk chemomi lain.
" Testai kounon father , yon kakichilil iccoreectenech kounon amun kimoche konyor mengikab Bomet maendeleo ak haki nenywan nebo rapishek," Governor Barchok.