Koimutik Chebo Beek Chemuren Chebo Sewage en Townitab Bomet

By Kimagata Maridany

Pune koimutik mengikab townitab Bomet cheboto Kipsomaninik chebo Bomet University cheboishen beek chebo Oinetab Nyangores kosipgee ak beek chemuren chebo sewage cheitetenchin Oinonoton bo Nyangores.

Kikongemak bereisishe chebo beek chemuren en Townitab Bomet ak koserchi Oinet beek chemuren oinet kiit nekakokon koiyweishet nebo koletagee myonwokik cheireu beek chemuren.

Kosipgee ak niton ko kakomongee mengikab townitab Bomet ak Kipsomaninik chebo Bomet University ak kosom serkalitab county koib kokwoutik chebo chokchinet.

Kamwochi menichoton sirikap logoiwek kole angot ko moib kokwoutik serkalitab county kopendi kotou pandap oret asikosimchi serkalitab county kocheng wolutyet nebo koimutikab beek chemuren.

“Mekiyoni ketestaa ak sobet kouni ako kikelewen kondoik chenyolu kotoretech. Lagokyook komekomiten ole urerenen amun en beek chemuren,” Maureen Koech.

Neya missing ko kiyakik chekikoikoche en Onet nebo Nyangores ak mengik chesore beek chekiyee en oinet nebo Nyangores.

Kates Mrs Koech kole angot kotestaa kounoton kowendi konyoru koimutik mengik kpunMyondwokik.
“Toyengee chitugul beechu, nyolu kochobok offisaek chebo konyoiset koborien myonwokik cheu Cholera ak Typhoid amun boishen biik beek chemuren kosipgee ak sewage nekitokyin oinet,” Mrs Koech.

Akot kounoton ko kakomwa mengichoton koboto kipsomaninik kole mekoyoni ako pendi kosuldoen kambaket kasitab Oeng.

Kaibarasta Joseph Sanga ne angenge en kondoikab polotet chebo chamait nebo KANU en Chepalungu ne kamwa kole asikobiit toretet ko nyolu kisimchi Govenor nebo Bomet Prof. Hilalry Barchok kopun kambaket.

“Maketinye muitaet ako kakikochi betushek tisab kondoik missing ko Governor Prof Hillary Barchok. Kinomegee eun ak Kipsomaninik chebo Bomet University asikecheng imandanyon,” Joseph Sanga.

Kamaach Sanga offisaek chebo tililindo cheboto minister Joseph Sitonik koistoegee en boishen amun mekotinye kamuget kondochi sector nebo tililindo.

“Komanda kondoik cheboto CEC nebo health. Mekomuche kondochi sector nebo tililindo komyee ak kotuktechin batai koimutik chemuuch konde olengoi soponweek chebo biik chechang,” kates Sanga.

Emmanuel Tolilo ko agenge en Kipsomaninik chebo Bomet University nekamwa kole mekoyoni koyomisutik chemokisuldoen kopun kandoinatet nebo County.

“Kipendi kimongugee koki kipsomaninik ak kegeer kele koib kokwoutik serkalitab county,” Emmanuel Tolilo.

mestowootmediaservices@gmail.com