Kakoyomis Isaac Ruto kole kipendi kitwoisie teksetab Kapkirwok en Bomet

Wendi kowekyingee Kipakengeit nebo Judicial Service Commisison teksetab kapkirwok nebo Bomet nekikotelel eng kasarta nesirei kenyisiek 10.

Nitok ko kosupgei ak rupeywotab nebo ngecheret eng Judicial service commission Isaac Rutto nekamwa kole kokitobonji teksonotok rapishek sh. Million 500.

Kamwa Rutto kole makoteleli kokeny teksonotok agoi kiroksi asikotoret konyumnyum kaset ak tiletab kirwokutik chekikochilak eng Bomet.

Kilumda taunetab teksetab kapkirwok inotok neki chief justice Willy mutunga eng kenyitab 2014.

" Omoche agonok hakikisho ole kotkotwo teksoni amun kokikochi contractor ak inomi bosiet kasarta agetugul, so matosich wasiwasi agetugul," Isaac Rutto.

Kongololi Rutto eng Tuiyetab konetisiet koityi biikab boror agopo ortinwek cheimuch keboisien ketar kirwokutik eng gaa ole kokiyai tuiyonotok eng kiwanjetab kapkirwok nebo Bomet .

Kamwa Rutto kole kirwokutik Chetinyegei eng mbarenik komalazima koititab kapkirwok kopaten imuch ketar eng gaa.

" Mo lazima obwan agoi kortini en kesisiek chepo mbarenik, otar en gaa ak ochomie, bo komonut notok amun okuitosikee en chokchinet ak kokanapta tekisto ak chomiet en kokwet," Isaac Rutto

Eng komostonyin komwa kirwokindet neo nebo Bomet Justice Julius kipkosgei Ngarngar kole togu kochang biik chemaikuitis ortinwechotok ak kagon koyomiset nebo kotestai kokimit tuiyosiek chepo konetisiet.