Kakoyaat mornet nelel Sidian Bank en Bomet

By Kibet Mutai

BOMET - Kakoyat mornet neleel benkitab Sidian en kwen nebo taonitab Bomet kiit nekamwa CEO nebo Sidian Bank Chege Thumbi kole kokwoutyet noton nebo kobaarait mungaraat ak kityi biik chechang.

Koindochi Governor nebo Bomet Prof Hilalry Barchok igorto nebo yatetab benkinoton ele kataach itunetab Sidian en mwaet kole wendi kokonoptoo kobotishet kopun kokoitoetab loan koityi kobotik missing ko chebo chaik ak chego koboto chemungaraik chemngeech.

Kamwa Thumbi kole kikotoret kobotishetab chaik Sidian Bank ak koyomis kole wendi kotesetaa konomegee eun ak kobotikab chaik.

“Kiketoret factories missing ko chebo chaik en Bomet kopun mornenyon nemiten Kericho kopaten kakeitu Bomet asikikimit mungaret ak kobotishet,” Thumbi.

Kates Thumbi kole nayaat Sidian Bank en kebeberweek chebo gaa kopaten kikotoi koyai mungareet ak biik chesuldoen boishonik cheyeechen.

Kosom CEO inoton mengikab Bomet konam eun Sidian Bank asikomuch koyeet ak kotoret kora en kanaptaetab county nebo Bomet missing ko en mungaret.

Kaitita igoraton kondoik cheterter chebo Speaker nebo Assembly nebo Bomet Cosmas Korir ak cheki MPs Benard Bett(Bomet East) Koboto Paul Sang(Bureti).

En ngalalenyin nekobo igoraton komwa Prof Barchok kole itunet nebo Sidian Bank ko koborunet nebo mungaret nekokotestaa en Bomet.

“Koborunet niton kole miten mungaret nekararan Bomani. Biichu kochenge mungaret ago mokiibee benkiit kwo ole motinye biik rapishek,” Prof Barchok.

Kates Gavan Barchok kole kikotestaa kwo barak mungareet nebo chaik ak kokanap sector nebo minaret.
Sidian Bank ko benkiit nebo 8 koyaat mornet en townitab Bomet kiit nekamwa Prof Barchok kole koborunet nebo mungareet nekikotestaa kokimit en Bomet.

Koboishen kasaraton Prof Barchok kocheer chemungarainik ak kobotik koboisi en kibagenge ak benkinoton ak konde konorwet asikonyorunen kelchin.