Kakoisto kapkirwok kerkonget nebo kerat Stanley Ngeno Sopenyin tugul

Kenya, Bomet February 28 – Kanyoor Kelchin Stanley Kiprono kopun Kaboson en Chepalungu yekan koisto kapkirwok nebo Bomet Kerkong'et nebo kerat en sobenyin tugul ak kongat keker en korkoret kasarta nebo kenyishek 30 kityok.

Kikoikochi Stanley Ngeno High Court inoton kerkonget en lelutyet nekikokinyor nebo nyerset kopaten kiib inendet kang'ung'uny'et anan appeal komache keisto kerkonganoton.

Ang'andan koigeni inendet kityakta, kokoboor boiboiyet yekan keisto kerkonget nebo kerat sopenyiin tugul en mwaet kole kiimonyolu kerat sopenyin tugul.

Koisto kerkonganoton Kirwokindet nebo Bomet Julius Kipkosgei Ng'arng'ar nekokose kongungunyet nebo Stanely.

Kimowchi kapkirwok inoton Stanley kole kimabiit baornatet neyamaat kasarta nekikikochin kerkonget nebo keraat en sopenyin tugul.

Kikinam Stanley tarikit 29/8/2020 en kokwetab Kaboson nemiten Chepalungu ele kikimwaitaen Nyerset nebo Lakwenyin nebo Kenyishek 14 kopaten kiyesho lelutichoton Angandan kiyesho ak kotyen koteergee kokikinyor lelutyet ak kikochi kerkonget.

Kasarta nekitesetaa ak kerkonget kotil inendet kowek kapkirwok ak kangungunyet nelel anan appeal ele kimaach kapkirwok inoton kokushikong baornatet nekikikoito ele kimwochi kapkirwok kole baaronatet nekikikoito ko mayamaat.

En tilenyin nebo 27/2/2025 komwa kiruogindet nebo kapkiruok nebo Bomet high court Hon. Justice Julius Kipkosgei Ngar-ngar kole kawal tilet tetai nebo kerat Stanley Ngeno en sobenyin tugul ak kookeranen kergonget nebo kerat inne kenyisiek 30 ole toukei kergongnganoton en 29/8/2020.

Kokonu tilanoton kiruogindet Ngar-ngar komwa kole angandaan iyonjintos ak kebeberwek alak chebo tilet nekikoon kapkiruok en kasaraton ko miten baornatosiek chemakikoon mising ko kobun baoriat nekitinye baornatet nebo komonut ak kimatakenyor ak kou noton ko maisubke ak ngatutik tilanoton anan unconstitutional.