Kakokoito baornatet Fr. Ambrose kimutai tonui eng assembly nebo impeachment petition

Kaitita eng betutab raini taitab committee nebo petition eng county assembly potiryot nebo st. Mathew ndaraweta catholic parish Ambrose kimutai Tonui asikokoito barnatet netoreti petition nekiikoito inei komoche keisto Gavana nebo Bomet prof. Hillary Barchok eng bosiet kotinygei nekikimwaitaen betetab rapishek billion 1.45.

Kaboisien Tonui wheelbarrow koib baornatanotok ole kamwa kole iboru notok kayanet nekitingen biik kandoichotok bo Uda chekikabosien wheelbarrow ko koborunet nebo kokanapta sobonwekab biik chemiten ngwony.

Kamwa Tonui kole Koip inei kokwoutyonok ko agenge eng birikab kura eng Bomet chemoboiboenjin oletestoitai boisionik eng Bomet Kiit nekamwa kole matogu boisietab rapishek ak iboru kole Miten chorset neo eng Bomet.

Momiten amunei konyolilyo mengikab Bomet ak kekose Kele Miten chorset neo eng Bomet, kikopwa offisaek chepo EACC AK konam gavana koborunet Kele woo chorset eng Bomet ak nyolu keisto Gavana Barchok eng boisiet," Fr. Ambrose.

Kates father Ambrose kole kikoik kendernat chorset ak sunguletab rapishek nekebaoryonjin eng Bomet ak kamach membaek chepo committee inotok koyochi imanda mengikab Bomet.

Kasom inei committees ichotok koker kole kakur Gavana Barchok koitita tainywan asikoaror kotiinygei ak tebutik ak kangunyngunyet Nekakon inei.

" Chang boisionik chemakiyai en oret nenyolu Ako kikelipan rapishek, so Nyolu koaror Gavana komie olekipa rapishek," Ambrose

Kamwa Father Tonui kole angot komayai imanda mcas kowendi koyumi signatures chepo mengikab Bomet asikoisto Gavana Barchok eng kandoinated.

Kaikimit inei kole Nyolu kekonnyit president Dr. William Ruto eng magenyin nebo kekirinda yautik chepo nametab Asoya missing ko nekoituyogei ak kebeberta neyesyo serkali kondochin Raila Odinga.

Kakon koyomiset Membaekab committee inotok kondochin nebo ngecheret Josphat kipkirui kole bendi kongololen ak koker komie baornatet Nekakon father Ambrose ak angot komakat kokur gavana kowol tebutik kochopot kokur.