Cherset koityi Kondoikab Kipsomaninik en sugulishek

Miten amune nebo kikochi konetisiet nenyolu kondoik chebo kipsomaninik en sukulisiek asikomuch konyor naet ak kokuiyet agobo kandoinatet nekararan netinye ngulotyo ak misto nemie.

Niton ko kosupgei ak ngololik cheechen cheboto Joe mwangi , D.G Kariuki ak Wakili Joan cherotich chekamwa kora kole konetisionoton kotoreti kipsomaninichoton asikoik kondoik chebo betusiek chebwonen.

Kosupgei ak Joan cherotich ko noton ko oret agenge nekichengen kondoik chebo mutaai"toreti niton asi en taa yon konyor emetab Kenya kondoik chemiachen amun kiibu kandoinatet kongeten biik chemengechen"

Ngalek chekates ak kokimit Joe mwangi nekamwa kole bo komonut tuiyosiek cheuchoton chebo konetisiet en kondoikab kipsomaninik nekole nyolu kora en sukulisiek alak kotoi tetutik cheuchoton.

"Inoni ko agenge en kokwoutik chekororon kot mising en Kenya betusiechu amun ko ko bororiet ketebenge kele kiyoene,ako kitinye wolutiet,kele ongeteech kondoik kongeten inguni,kecheer kondoik chemengechen kelenjin imuche koik kondoik chebo komonut en mutaai,boisienyon keteech kondoik kongeten ngwony".

kongololi en tuiyet neo nebo konetisiet koityi kondoikab kipsomaninik en sukulisiek anan prefects ak students councils nekakiyai en sukulitab werik nebo Tenwek ole komiten komiten koboto konetik cheechen chebo sukulisiek cheterter kobun counties chebo Bomet, kericho, Nakuru ak Narok.

Alak en konetichoton echeen koboto Mutali chesebe nekotoche ak William Yator.

Alak en kondoik chebo kipsomaninik chekangalal ak sirikab logoiywek ko koibor boiboyenwan ak yametabgei kosupgei ak konetutik chekonyor.