Asenet nebo ropta neo netesetai kebaoryonjinAsenet nebo ropta neo netesetai kebaoryonjin

By Kibet Mutai

Bomet, Kenya - Kakenyor borwek chepo murenik 2 chekokarorokyi beek eng oinetab lelaitich eng nemiten sigor ward eng chepalungu eng koskolengutab kasitab angwan .

Kosupgei ak Dominic koech ne tupchetab agenge eng murenichotok ko kotyeme tupchenyin kosor chorwenyin ye Kon konam suswot kotyeme kikilengei kopaten konget suswondonotok ak kochopochi tuwan beek orit.

Koiyumgei biikab boror asikocheng borwechotok eng betutab amut kopaten manyor ak eng Raini ko kaitita yotok birikab Beek kobun offisit nebo kirindaetab nyosutik eng Bomet ak kotoretgei ak biikab boror ak konyor borwechotok.

"Yekon komatakenyoru eng omut kemusyi raini chengset ak kakinyorchi borto netai Karibu etyetab noa ak borto ake kenyoru en olemoloo eng yotok," Dominic koech.

Kamwa county police commandant nebo Bomet Edward Imbwaga kole kakeip borwekab bichotok kopa koot nekikonoren borwek nebo longisa ole kacher biik koripgei inguni amun kokochanga beek eng oinosiek ak imuch kokon asenet.

" Amoche asoom kabisa biikab emet komatkosirtoen ainosiek chekakochanga beek asikekirinden kabetetab sobonwek," Imbwaga.

Eng komostonyin komwa offisayat netelelchin kirindaetab nyosutik eng serkalitab county nebo Bomet Stanely Mutai kole eng inguni kitesetai kebaoryonjin ropta neo ko kokonyiunen beek ainosiek Ako ng'oi missing ole Kasom sigiik komatkochomchi lagokwak kopa oinet

" Nyolu koripgei chitugul eng inguni missing ko sigiik mokimoche oyokte lagok kopa oinet amun imuch kityem kobir beek asikor kokon asenet," Mutai